Booktegi - ElkarrizKATEA - Ana Morales eta Iñigo Astizen solasaldia

Booktegi kultur elkartea da, eta euskaraz irakurtzeko zaletasuna bultzatzea du helburu. Formatu elektronikoak ahalik eta modu eraginkorrenean aprobetxatzen saiatzen gara helburu horren alde. Webgunean (booktegi.eus) gure liburuak dohainik deskarga daitezke, baita gure bideoak ikusi eta audioak entzun ere. Liburuak eta audioak hainbat ataletan antolatuta daude: fikzioa, drama, erreportajea, poesia, kirolak, saiakera, gazte literatura… Bideoetan idazleen elkarrizketak daude ikusgai, baita saio berezien filmazioak ere.

ElkarrizKATEA saioan urtero-urtero literatur solasaldien katea osatzen dugu. A idazleak B idazleari galderak egiten dizkio lehenengo atalean; bigarrenean, B idazleak egiten dizkio galderak D idazleari… Azken atalean, azken egileak lehenengoari –A idazleari– galdetzen dio bere lana, bizitza eta iritzien inguruan. Idazleekin batera, editoreek eta itzultzaileek parte hartzen dute ElkarrizKATEAn. Solasaldi irekiak dira, eta literatura eta liburuak maite dituen edozein ikuslerentzat interesgarriak. ElkarrrizKATEAk literaturaz ikasteko aukera ematen digu, baita idazleen eta beren munduen gaineko informazioa jasotzeko abagunea ere. 

Jarraian, ikusi Ana Moralesek Iñigo Astizi "ElkarrizKATEA" proiektuaren baitan egindako elkarrizketaren lehen zatia (17.minutura arte) eta egin iruzkinak blogean.

Iruzkinak

  1. Iker. U2022(e)ko apirilaren 5(a) (00:46)

    Hondakindegia ikuskizunaren bideoa:
    https://www.youtube.com/watch?v=4Bn4wLCDygc

    ErantzunEzabatu
    Erantzunak
    1. Iker. U2022(e)ko apirilaren 5(a) (00:56)

      35.minutuan Euskadi, Euskal Herria, Pueblo Vasco, Vasque Country, Euskal hiria, Euzkadi.... inguruko hizt-jokoak egiten ditu, oso interesgarria. Zer egon daiteke termino horien gira-bueltan? nazionalista edo kulturala? Euskal "fatxa"-rik badago? zergatik da ezberdina euskadi eta euzkadi s/z aldaketa bakarra bada? zer da Euskal Herria?

      Asko gustatu zait!

      Ezabatu
  2. Marian2022(e)ko apirilaren 5(a) (00:50)

    Beti egin dira ezberdinak diren gauzak baina ondo dago, noizbehinka, holako gauzek ere errekonozimendua izatea

    ErantzunEzabatu
  3. Bea2022(e)ko apirilaren 5(a) (00:53)

    Esaldi honekin geratzen naiz: "mugaz bestaldera mila mundu gehiago daude".

    ErantzunEzabatu
  4. MSL2022(e)ko apirilaren 5(a) (00:53)

    Entzuteko literatura gustuko baduzue hau interesgarria izanen da zuentzat. Ana Moralesek "Xerezaderen artxiboa" jarri zuen martxan Jasone Larrinagarekin batera: https://xerezade.org/

    ErantzunEzabatu
  5. Marian2022(e)ko apirilaren 5(a) (00:55)

    Bai Iñigo Astizek egindakoa, bideoan ikus dezakegun ikuskizunean, desberdina da, eta berak esaten duen bezala, erreakazioak ere oso desberdinak izan daitezke: barre algaratik nazka sakoneraino.

    ErantzunEzabatu
    Erantzunak
    1. Bea2022(e)ko apirilaren 5(a) (00:59)

      Hori da, atzo honetaz hitz egiten egon ginen HUTSUNEA liburuaz aritu ginenean. Zauden momentu edo euki dituzun esperientzien arabera ze ezberdin irakurri/ulertu ahal duzun gauza berdina!

      Ezabatu
    2. MSL2022(e)ko apirilaren 5(a) (01:03)

      Bai, niri ere hori etorri zait burura, Bea!

      Ezabatu
  6. Mikel2022(e)ko apirilaren 5(a) (00:58)

    Egia esateko ez naiz batere poesiazalea, bestelako arlo literarioak gustokoagoak bait ditut. Ez dut Iñigo Astizi ezagutzen, baina elkarrizketa hau ikusi eta gero bere lanaren inguruko aurreideia bat egin dezaket. Giza konportamendua aztertzea ez da lan erraza, horretarako antropologoak daude eta haien lana zientziarekin lotura handiagoa du poesiarekin baino. Iñigok egiten duena, bere hitzetan, esperimentatzea da. Gizartean ezohikoak diren jarrerak aurrera eramaten ditu, erlojuari lotuta bizi den mundu materialista batean jokoz kanpo gelditzean gertatzen denaren inguruan gogoeta egiteko. Dibertigarria izan daiteke, horrelako tipoak interesgarriak iruditzen zaizkit, erreflexiorako bidera bultzatzen bainaute...

    ErantzunEzabatu
  7. itxaso2022(e)ko apirilaren 5(a) (00:58)

    esaten du... "ez ulertzeak badu zerbait... badaki ez dela beretzat... baina poza ematen dio, lilura..." oso polita!

    ErantzunEzabatu
    Erantzunak
    1. Bea2022(e)ko apirilaren 5(a) (01:01)

      "Ez ulertzeak badauka zer edo zer noblea".

      Ezabatu
    2. MSL2022(e)ko apirilaren 5(a) (01:10)

      Bada klasean egin ohi dugun ariketa erraz eta, nire ustez, polita: ulertzen ez dugun hizkuntzaren batean abesti bat edo pelikula zati bat jarri eta taldeka saiatzen gara asmatzen zeri buruzkoa den, zertaz ari diren. Oso "kaleidoskopikoa" izaten da emaitza, baina konturatzen gara ulermen arrazionalari heldu ezin diogunean beste baliabide batzuk aktibatzen ditugula eta, hortaz, gai garela normalean ikusten edo hautematen ez dugun hori lehen planora ekartzeko. Ahal baduzue, egin.

      Ezabatu

Argitaratu iruzkina

Blog honetako argitalpen ezagunak

Sekula ez liokete euli bati hegalik kenduko - Slavenka Drakulic (Armiarma-kritika)

Irudia
  Sekula ez liokete euli bati hegalik kenduko / Slavenka Drakulic (Amaia Apalauza Ollo) / Txalaparta, 2021 Gerlaren gizalegea , Irati Majuelo / Berria , 2021-10-24 Slavenka Drakulic idazle esanguratsua da Kroazian zein nazioartean Jugoslaviako gerlari buruzko lan mardulak osatzeagatik, eta, ildo horretan, interesgarria da jakitea Sekula ez liokete euli bati hegalik kenduko Balkanetako gatazka korapilatsua lantzen duten beste bi eleberriren ostean idatzi duela, hor kokatu beharra da. Horietako bat, Han ez banengo bezala , Amaia Apalauza k berak ekarri zuen euskarara (Pasazaite, 2018). Drakulicek perspektiba konplikatu bati heltzen dio lan honetan; izan ere, gerla-kriminalak hartzen ditu jopuntuan. Hala, Hagako Auzitegian kriminalok epaitzerakoan azaleratutako akusazioak, galdeketak eta lekukotzak ditu oinarri liburuak, idazlea bera entzule gisa egon baitzen han. Baina horien jasotze hutsa baino, izugarrikeriaren aurrean gizakiari pizten zaizkion galderak erantzuteko proposamen ...
Irakurri informazio gehiago

EIZIE - Demagun ehun urte barru

Irudia
EIZIEren webguneak  dio: “Euskal Itzultzaile, Zuzentzaile eta Interpreteen Elkartea (EIZIE) irabazi-asmorik gabeko elkarte bat da, modu profesionalean dihardutenena zein itzulpengintzako goi-mailako ikasketak dituztenena. EIZIEk itzultzaile, interprete eta zuzentzaile profesionalak biltzen ditu, eskarmentu handikoak zein hasi berriak. 1988an EIZIE sortu zenetik itzulpengintzak batzen gaitu, euskaratik edota euskarara egiten dugun itzulpen, interpretazio zein zuzenketa lanak, edonon bizi garela ere.” Gaurkoan itzultzaileen jardunari erreparatuko diogu eta horretarako “Demagun ehun urte barru” obra hartuko dugu oinarri. EIZIEk eta Donostia 2016k elkarlanean argitaratutako lan elebiduna da “Demagun ehun urte barru”. Proiektu honetarako Anjel Lertxundi euskal idazle ezagunak sei lagun –idazle eta itzultzaile– bildu zituen Donostian, hizkuntza ez-hegemonietako literaturaren eta bere etorkizunaren inguruan gogoeta egitera, globalizazioaren eraginpean dagoen testuinguru kulturalean. Abiap...
Irakurri informazio gehiago

Zipriztina - Amets Arzallus

Irudia
ZIPRIZTINAK bideo-sorta abiatu du   Euskal Idazleen Elkartea k: zer garen esateko beste modu bat da. Bost idazlerengana jo dute horretarako, baina ez daukate gelditzeko asmorik. Lehen ZIPRIZTINA Amets Arzallusek dakar, eskuen inguruan eta eskuekin idazteaz mintzo da. Hemen ikus dezakezue bideoa: Bideoa ikusi ondoren idatzi iruzkinak blogean eta erantzun ikaskideek idatzitako iruzkinei. Ez badakizu iruzkinean zer idatzi hona inspiraziorako galdera batzuk: - Zer harreman dago, zure ustez, eskuen eta sormenaren artean?  - Zure inguruan non ikusten dituzu eskuz idatzitako testuak?  - Zein izan zen zuk eskuz idatzitako azken testua? Eta lehena? - Testu bat idatzi behar duzunean zer egiten duzu zuk lehenengo? - Gertatu al zaizu zuri ere, Ametsi bezala, zuk aspaldi idatzitako testu bat hartu eta harriduraz irakurtzea? - Zer dakizu eskuz egiten? - Ezagutzen al duzu eskuei buruzko sormen lanik?
Irakurri informazio gehiago